Ushbu Oferta cheksiz miqdordagi yuridik va jismoniy shaxslarga, «SOS24» MChJ (keyingi o‘rinlarda Ma’muriyat yoki Operator deb yuritiladi) tomonidan «SOS24» platformasidan foydalanish bo‘yicha xizmat ko‘rsatish to‘g‘risidagi shartnoma tuzishga qaratilgan rasmiy ommaviy oferta hisoblanadi.
«SOS24» — bu favqulodda vaziyatlarda (yo‘l-transport hodisalari, sog‘liqqa oid holatlar va boshqa favqulodda vaziyatlar) foydalanuvchilarga tezkor yordam olish hamda tegishli xizmatlarga (tez yordam, Ichki ishlar organlari (IIV), Favqulodda vaziyatlar vazirligi (FVV), sug‘urta tashkilotlari, evakuator, tibbiyot muassasalari, avtoservislar, Home Service xizmatlari va boshqa hamkor tashkilotlar) ulanish imkonini beruvchi, sun’iy intellekt (AI) texnologiyalaridan foydalangan holda ishlaydigan raqamli platformadir.
Ushbu Ofertada ko‘rsatilgan harakatlarning bajarilishi — platformada ro‘yxatdan o‘tadigan shaxslar tomonidan ushbu Ofertada (keyingi o‘rinlarda Shartnoma deb yuritiladi) belgilangan shartlarda, tartibda va hajmda xizmatlar ko‘rsatish shartnomasini tuzishga roziligini (qabul qilishini) so‘zsiz va shartsiz tasdiqlaydi. SOS24 platformasi orqali qayta ishlanadigan ma’lumotlarning yuqori maxfiylik darajasini (jumladan, geolokatsiya, shaxsni tasdiqlovchi, tibbiy va sug‘urta ma’lumotlarini) hisobga olib, Foydalanuvchi ro‘yxatdan o‘tishdan oldin ushbu Shartnoma va unga ilova qilingan hujjatlar bilan to‘liq tanishib chiqishi shart.